Fotografías programa de intercambio

http://picasaweb.google.es/marta.pena.area/5DeMayo#

Dende este enlace podedes descargar as fotografías do intercambio Vios-Oliana.

Alumnos/as de 4º: espero recibir as vosas no meu correo para poder facer un album dixital completo.

24 de maio día europeo dos parques naturais

Esta data é celebrada en toda Europa en conmemoración dos primeiros Parques Naturais europeos, declarados como tales no ano 1909 en Suecia. Polo tanto, cúmprense agora 100 anos desta declaración. Esta celebración é organizada actualmente pola Federación EUROPAC, organización que agrupa a 38 países. Todos os anos son organizadas actividades nas zonas protexidas, coa finalidade de concienciar á opinión pública sobre a importancia de protexer ditas zonas. En concreto, este ano o lema escollido para a celebración é: "Un século de Parques Nacionais europeos:presente e futuro das nosas áreas protexidas".

Carlos.

Día mundial do medio ambiente

A humidade relativa do aire

A humidade relativa do aire consiste en saber a cantidade de vapor de auga que contén o aire, en relación á máxima cantidade que pode chegar a conter. Se expresa en tanto por cento (%) e para medila, se utiliza un aparato chamado higrómetro, que pode ser de varios tipos, pero un dos máis comúns é o chamado higroscopio, que utiliza unha corda feita de cabelos, que se retorce tanto máis, canto maior humidade haxa no aire. Dita corda de cabelos, despraza unha agulla indicadora que se move sobre unha esfera, indicando o valor da humidade relativa do aire nese momento (ver fotografía). O valor da humidade relativa oscila moito, dependendo das condicións atmosféricas, e tamén varía moito duns lugares a outros. Así, xunto ao mar poden darse fácilmente valores do 90%, mentres que en zonas máis secas, poden darse valores do 35 ou 40%.

Carlos.

Viaxe a Cantabria

Os alumnos de 2º realizamos unha viaxe a Cantabria os días 13, 14 e 15 de abril; aínda que o principal destino era o Parque Natural de Cabárceno,visitamos tamén outros lugares interesantes.
Partimos do Concello ás 7:00 horas, moi ilusionados. A primeira parada fixémola en Mondoñedo, coa fin de almorzar; e a segunda, en Villaviciosa para estirar un pouco as pernas, pois a viaxe foi un pouco longa.
Chegamos ao albergue para xantar, aproximadamente ás 13:30 horas. Recibiunos Vanessa, que ía ser a nosa guía durante a estancia. Despois de acomodar a equipaxe e facer as camas, saímos do albergue dirección Santander.Visitamos a Península da Magdalena, onde destaca o Palacio, antiga residencia de verán dos avós do Rei, agora destinado á celebración de actos sociais importantes. Como curiosidade destacan as súas 365 ventás. Paseamos polo Sardinero e tivemos tempo libre para facer compras. Regresamos ao albergue sobre as 20:00 horas. Despois de cear, a guía qrganizou un karaoke; cantamos e nos divertimos moito. Esta noite os que durmiron tiveron sorte.
Por fin chegou o día máis emocionante: o Parque Natural de Cabárceno. Foi alucinante. A primeira actividade consistiu en ver un documental sobre a ameaza que sufre o noso Planeta a causa da neglixencia humana. Concretamente no Parque morreu unha cría de elefante por inxerir unha bolsa de plástico. Logo fixemos unha ruta cun especialista en Botánica que nos explicou curiosidades moi interesantes dalgunhas árbores e arbustos da zona. Como chovía bastante suspendeuse parte da mesma.Vimos tamén un espéctaculo protagonizado por leóns mariños, o reptilario e unha longa variedade de animais.
Pola tarde fomos á Neocova de Altamira, unha réplica da aútentica cova, pechada ao público por motivos de seguridade e deterioro. Só abre as súas portas a investigadores e ciéntificos. Despois dirixímonos a Santillana del Mar, unha vila medieval que conserva as súas rúas empedradas. O monumento máis emblématico é a Colexiata, custodiada por un león e unha leoa. Conta a lenda que se queres ter sorte, debes tocar a parte na que se diferencian; e non é precisamente na melena. Voltamos ao albergue co tempo xusto para cear e recuperar forzas para disfrutar do guateque que nos esperaba a continuación. Bailamos a pracer, eso sí, algúns con máis gracia que outros. Esta noite era a última e había que disfrutar. Quedamos durmidos de madrugada. O peor foi erguerse ao día seguinte, pois de non ser por Herminia que tocou diana , algunhas quedabamos alí.
Así chegamos ao último día da viaxe. Despois de lavar a cara coma os gatos, preparamos a equipaxe de présa e correndo e iniciamos a volta a casa; non sen antes deixar aos rapaces tirar unha foto coas girls e darlles uns kisses de despedida. Paramos nas covas de El Soplao, onde comprobamos a acción da auga na formación de estalactitas e estalagmitas. Son impresiontes, merece a pena a súa visita. A última parada fixémola en Mieres (Asturias) no Museo da Minería, onde baixamos a unha mina cun guía que nos fixo sentir o durísimo traballo dos mineiros, levándonos por tramos verdadeiramente difíciles. Algún non as levaba todas consigo …
Sobre as 21 horas, gracias ao bo facer do noso piloto (Manolo Alonso Miranda), chegamos a Abegondo moi cansos, pero felices. Ao día seguinte permitíronos quedar na casa para recuperar forzas.
Esta excursión foi unha aventura que ninguén de nós olvidará. Parabéns para as profesoras que nos acompañaron.

Alumnado de 2º B

Concurso: Lingua para os bicos.

17 de Maio de 2009: Día das Letras Galegas e Día Internacional da Internet

CONCURSO DE MENSAXES EN DECLARACIÓNS DE AMOR EN GALEGO

Obxectivo:

Conquistar novos espazos de uso para o galego: internet, o correo electrónico e os
chats son espazos de comunicación nos que se emprega o castelán como lingua
habitual. Pretendemos con este concurso mudar este hábito e dinamizar o galego
nestes novos ámbitos.

Organiza:

O Equipo de Normalización e Dinamización Lingüística, a Biblioteca e o
Departamento de galego.

Bases:

A temática das mensaxes será amorosa e poderán estar escritas en prosa ou
en verso.

Terase en conta o grao de elaboración e a orixinalidade. Ademais todas as
declaracións deberán ser inéditas.

As mensaxes deberán ser colgadas no apartado de "COMENTARIOS" desta entrada, identificándose con nome e apelidos.

O xurado estará composto polos membros dos departamentos convocantes do
concurso.

A organización do concurso poderá desbotar aquelas mensaxes de carácter
discriminatorio ou ofensivo.

O nome da persoa gañadora farase público no blog.

Establécese un único e doce premio.

Viaxe a Cantabria e Asturias

Os días 13, 14 e 15 de abril os alumnos de 2º visitamos Asturias e Cantabria.
O primeiro día chagamos ao albergue a hora de comer. Pola tarde dirixímonos a Santander ao Palacio da Magdalena e ao Centro da cidade. Ao día seguinte levantámonos cedo e fomos ao Parque de Cabárceno, onde vimos moitos animais, e un biólogo falounos sobre a flora do parque. O que máis me gustou de este sitio foron os osos e a actuación dos leóns mariños. Despois de comer visitamos o pobo de Santillana. Un lugar moi turístico, con rúas empedradas, construcións medievais como a colexiata, de estilo románico. Alí tivemos algún tempo libre. Antes tamén estivemos nas covas de Altamira, onde nos ensinaron e explicaron as pinturas rupestres da cova. Predominan os bisontes, aínda que tamén había cabalos e cervos. Había mans de nenos, símbolos representados. Pintaban con carbón, ocre, .......
O terceiro día xa marchamos pola mañá do albergue para ir á Cova del Soplao. Alí tamén nos explicaron como se forman as estalagmitas e as estalactitas e os minerais dos que se compoñen. Pola tarde o último museo visitado foi o da minería do Entrego, en Asturias, un dos lugares que máis entretido me pareceu. O monitor foinos explicando as diferentes partes dunha mina e os diferentes procesos que se levan a cabo nela. Tivemos que pasar polos lugares polos que os miineiros se trasladaban dun lugar oa outro.
Pareceume unha excursión educativa e divertida.

Tania de 2º A

Día do Libro na FNAC

Dia do libro FNAC

Pica sobre a foto para ver o album